प्रधानमन्त्री दाहाल र एमसिसीकी प्रमुख कार्यकारी अधिकृत एलिसबीच शिष्टाचार भेटवार्ता

काठमाडौं– प्रधानमन्त्री पुष्पकमल दाहाल ‘प्रचण्ड’ र एमसीसीका प्रमुख कार्यकारी अधिकृत एलिस अल्ब्राइटबीच शिष्टाचार भेटवार्ता भएको छ ।

उनीहरूबीच आज बिहान बालुवाटारमा शिष्टाचार भेट भएको प्रधानमन्त्रीका प्रेस विज्ञ मनहरि तिमिल्सिनाले जानकारी दिए ।

भेटमा एमसिसी परियोजनालगायत नेपाल–अमेरिका सहयोगका विविध विषयमा छलफल भएको प्रधानमन्त्री कार्यालयले ट्विटमार्फत् जानकारी दिएको छ ।

नेपाल भ्रमणमा रहेकी एलिसले सोमबार साँझ प्रमुख प्रतिपक्षी दल नेकपा (एमाले) का अध्यक्ष केपी शर्मा ओलीलाई पनि भेटेकी थिइन् ।