डि–फ्रिजबाट करेन्ट लागेर एक महिलाको मृत्यु

काठमाडौं– रूपन्देहीमा करेन्ट लागेर एक महिलाको मृत्यु भएको छ । देवदह नगरपालिका–३ सेम्रहना बस्ने ३४ वर्षीया मनिषा चौधरीको करेन्ट लागेर आइतबार बेलुकी मृत्यु भएको हो ।

आफ्नै घरमा रहेको मासु पसलको डि–फ्रिजबाट करेन्ट लागेर गम्भीर घाइते भएकी उनको देवदह मेडिकल कलेज भलुहीमा उपचारको क्रममा मृत्यु भएको हो ।
घटनाका सम्बन्धमा प्रहरीले आवश्यक अनुसन्धान गरिरहेको छ ।