दोलखाबाट ३ किलो सुनसहित थप एक जना पक्राउ

काठमाडौं– दोलखामा फेरि ३ किलो सुनसहित थप एक जना पक्राउ परेका छन् । बुधबार राती मात्रै दोलखाको सिंगटीबाट ४ किलो सुनसहित तीन जनालाई प्रहरीले पक्राउ गरेको थियो ।

त्यसको दुई दिनपछि फेरि आज थप ३ किलो सुनसँगै थप एक जना पनि पक्राउ परेका छन् ।

चीनबाट तस्करी गरेर ल्याउँदै गरेको ३ किलो सुनसहित दोलखाको जामुनेमा केशव तामाङ पक्राउ परेको प्रहरीले जनाएको छ । उनलाई प्रहरीको केन्द्रीय अनुसन्धान ब्युरोको टोलीले पक्राउ गरेको हो ।