दराज क्यान्डीको अनलाइनसँगै खेल

काठमाडौं – दराज एपका प्रयोगकर्ताले अनलाइन किलमेलसँगै खेल पनि खेल्न पउने भएका छन् । दराज नेपालले आफ्नो ग्राहकलाई मनोरञ्जन प्रदान गर्दै प्रयोगकर्तालाई एपमा थप संलग्न गराउने उदेश्यले ‘दराज क्यान्डी’ नामक अनलाईन खेल सार्वजनिक गरेको छ ।

दराज एपका प्रयोगकर्ताहरुले सजिलै यो खेल खेल्न सक्छन् । यो खेलमा प्रयोगकर्ताले तीन वा त्यो भन्दा घेरै एकै रंगका क्यान्डीलाई एकै ठाँउमा मिलाउनु पर्छ । यसरी मिलाए पछि मिलेका क्यान्डीहरु हराउने र बाँकी क्यान्डीहरु खाली ठाँउमा झर्ने गर्छ ।

यो खेलबाट प्रयोगकर्ताले जेम प्राप्त गर्न सक्नेछन् । जुन उनीहरुको खेलको आधारमा हरेक दिन उनीहरुलाई प्रदान गरिन्छ । दराज लोयल्टी कल्बका सदस्यले यो जेम्को प्रयोग गरि दराजका सामानमा विशेष छुट प्राप्त गर्न सक्ने पनि विज्ञप्तिमा उल्लेख छ ।