२०८१ मंसिर ९, आईतबार

सुवास नेम्वाङ्गको निधनले अत्यन्त दुःखित छु : उपाध्यक्ष पाण्डे

न्युज डेस्कप्रकाशित मिति: २०८० भाद्र २६, मंगलबार (१ साल अघि)

११३९ पाठक संख्या

काठमाडौं – नेकपा (एकीकृत समाजवादी) का उपाध्यक्ष राजेन्द्रप्रसाद पाण्डेले संविधानसभा अध्यक्ष सुवास नेम्वाङको निधनप्रति दुख व्यक्त गरेका छन् ।

सोमबार राति निधन भएका नेकपा एमालेका उपाध्यक्ष समेत रहेका संविधानसभा अध्यक्ष नेम्वाङप्रति श्रद्धाञ्जली अर्पण गर्दैै पाण्डेले दुख व्यक्त गरेका हुन् । नेम्वाङप्रति श्रद्धाञ्जली अर्पण गर्दै पाण्डेले नेम्वाङको निधनबाट नेपाली राजनीतिमा ठूलो क्षति भएको समेत बताएका छन् ।

पाण्डेले बिहानै सामाजिक संजालमार्फत् पनि श्रद्धाञ्जली अर्पण गरेका छन् । पाण्डेले फेसबुकमा लेखेका छन् – ‘हार्दिक श्रद्धाञ्जली कमरेड सुवास नेम्वाङ्ग ।

संविधान सभाका अध्यक्ष, पूर्व सभामुख तथा नेकपा (एमाले) का उपाध्यक्ष क. सुवास चन्द्र नेम्वाङ्गको असामयिक निधन भएको खबरले स्तब्ध बनायो ।

२०३१ सालमा काठमाण्डौको विद्यार्थी आन्दोलनका सिलसिलामा परीचय भई २०३२ को लामो विद्यार्थी आन्दोलनमा सँगै जेलयात्रा, झापा आन्दोलनका राजबन्दी सँगको भेट, कोअडिनेशन केन्द्रको सदस्यता प्राप्ती सहित नेकपा (माले) नेकपा (एमाले) को निर्माणमा सँग-सँगै भुमिका निभाउदै निरंकुश, निर्दलिय पञ्चायती व्यबस्था विरुद्धको आन्दोलनका सहयात्री भई संसदिय बहुदलिय व्यबस्थाको स्थापना गर्दै संघिय लोकतान्त्रिक गणतन्त्र स्थापना सम्मका आन्दोलनमा सँगै काम गर्नु भएका एक इमान्दार राजनीतिक कर्मि मेरा अनन्य मित्र क. सुवास चन्द्र नेम्वाङ्गलाई गुमाउनु पर्दा अत्यन्त दु:खित छु । अकस्मात अकल्पनिय रुपमा भएको निधनलाई सहन गाहरो भएको छ ।

हार्दिक श्रद्धाञ्जली कमरेड सुवास । साथै शोक सन्तप्त परीवारजनमा गहिरो समवेदना ।’

subhayug

अध्यक्ष

उपाध्यक्ष

नेकपा एकीकृत समाजवादी

राजेन्द्रप्रसाद पाण्डे

संविधानसभा

सुवास नेम्वाङ