भारतिय गायिका शिल्पा राव नेपाल आँउदै

काठमाडौं – भारतिय गायिका शिल्पा राव नेपाल आउने भएकी छन् ।

आगामी भदौ ८ गते सोल्टी होटलको प्राईभ नेपाल क्लवमा आयोजित एक सांस्कृतिक कार्यक्रममा भाग लिन गायिका शिल्पा राव नेपाल आउने भएकी हुन् । क्लवमा रोअर ईन्टरटेनमेन्ट र एरिना ईन्टरटेनमेन्टले संयुक्त रुपमा सांस्कृतिक कार्यक्रमको आयोजना गरेको छ ।

सोहि कार्यक्रममा भाग लिन उनी पहिलोपटक नेपाल आउन लागेकी हुन् । उक्त कार्यक्रममा सहभागी हुन चाहनेले माई पे अनलाईन मार्फत् टिकट काट्न सक्ने व्यवस्था गरिएको आयोजकले जनाएको छ । कार्यक्रमका आयोजक मोहित बस्नेतका अनुसार उक्त कार्यक्रममा माई पे लाई नै टिकेटिङ पार्टनर बनाईएको छ ।

त्यस्तै उक्त कार्यक्रममा हेप्पी वक्स, वेभ, आई एस् एस् साउण्ड, पठाओ लगायतले सहकार्य गरेका छन् । उक्त कार्यक्रमको सञ्चालन पूर्व मिस नेपाल नम्रता श्रेष्ठले गर्ने छिन् ।