सेवा शुल्क बापतको रकम नतिरेपछि आजदेखि सिम्रिक एयरको उडानमा रोक

काठमाडौं– नागरिक उड्डयन प्राधिकरणले सिम्रिक एयरका हेलिकप्टरलाई आजदेखि उडान भर्न रोक लगाएको छ ।

चार वटा हेलिकप्टर मार्फत उडान भर्दै आएको स्रिमक एअरले प्राधिकरणलाई तिर्नुपर्ने रकम नतिरेका कारण उडानमा रोक लगाइएको हो ।

सिम्रिकले विमानस्थल सेवा शुल्क बापतको ४६ लाख ४३ हजार रकम बुझाउन बाँकी रहेको प्राधिकरणले जनाएको छ ।

पटक पटक बक्यौता रकम तिर्न ताकेता गर्दा अटेर गरेपछि उडानमा रोक लगाउनुपर्ने अवस्था आएको प्राधिकरणका सूचना अधिकारीले बताएका छन् ।