सुनचाँदीको मूल्य घट्यो

काठमाडौं– आज पनि सुनचाँदीको मूल्य घटेको छ । सुनको मूल्य तोलामा १ सय र चाँदीको मूल्य तोलामा १० रुपैयाँले घटेको छ ।

यससँगै, आज छापावाल सुनको मूल्य तोलामा १ लाख १२ हजार रुपैयाँ र तेजाबी सुनको मूल्य तोलामा १ लाख ११ हजार ४५० रुपैयाँ कायम छ ।

हिजो मंगलबार छापावाल सुनको मूल्य तोलामा १ लाख १२ हजार १ सय र तेजाबी सुनको मूल्य तोलामा १ लाख ११ हजार ५५० रुपैयाँ कायम थियो ।

सुनसँगै आज चाँदीको मूल्य पनि घटेको छ । चाँदी आज तोलामा १० रुपैयाँले घट्दै प्रतितोला १३ सय ९० रुपैयाँमा कारोबार भइरहेको छ ।