मेक्सिकोमा बस दुर्घटनामा १७ को मृत्यु

एजेन्सी– पश्चिमी मेक्सिकोमा एउटा यात्रुबाहक बस राजमार्ग नजिकै खाल्डोमा खसेको छ ।

सो दुर्घटनामा कम्तीमा १७ जनाको मृत्यु भएका छन भने अन्य २२ जना घाइते भएका छन् । यद्यपी उनको अवस्था स्थिर रहेको बताइएको छ ।

नायरित राज्य सुरक्षा र नागरिक रक्षा सचिव जर्ज बेनिटो रोड्रिगेजले उद्धार कार्यमा कठिनाइ भइरहेको बताए। खाडल लगभग ५० मिटर (१६४ फिट) गहिरो रहेको थियो। मृत्यु हुनेमा १४ वयस्क र तीन बालबालिका रहेका छन् । बसमा ४० जना यात्रु सवार थिए । सबैजना तिजुआना जाँदै थिए ।

दुर्घटनाको कारण भने अझै खुल्न सकेको छैन ।