आज सुनको भाउ बढ्यो, चाँदीको घट्यो

काठमाडौं– आज सुनको मूल्य सामान्य बढेको छ भने चाँदीको मूल्य घटेको छ ।

आज छापावाल सुन तोलामा ३ सयले बढेर १ लाख १२ हजार ९ सय रुपैयाँ कायम भएको नेपाल सुनचाँदी व्यवसायी महासंघले जनाएको छ । शुक्रबार छापावाल सुन तोलाको १ लाख १२ हजार ६ सय रुपैयाँमा कारोबार भएको थियो ।

त्यस्तै, आज तेजाबी सुन तोलाको १ लाख १२ हजार ३५० रुपैयाँमा कारोबार भइरहेको महासंघले जनाएको छ ।

आज चाँदीको मूल्य भने प्रतितोला ५ रुपैयाँले घटेको छ । आज चाँदी तोलाको १ हजार ४५५ रुपैयाँमा कारोबार भइरहेको महासंघले जनाएको छ ।