३६ अङ्कले घट्यो नेप्से, २ अर्ब ९१ करोड रुपैयाँको कारोबार

काठमाडौं– लगातार दोस्रो दिन आज पनि सेयर बजार उच्च अङ्कले घटेको छ ।

हिजो सोमवार साढे २६ अङ्कले घटेको सेयर बजार परिसूचक नेप्से आज ३६ दशमलव १९ अङ्कले घटेर दुई हजार एक सय ६४ दशमलव ३१ विन्दुमा झरेको छ ।

बजार घटेको दिन होटल र पर्यटनबाहेक सबै समूहको सेयर ओरालो लागेको छ । आज सबैभन्दा धेरै वीपीडब्ल्यू लघुवित्तको सेयर पाँच प्रतिशतभन्दा धेरैले घटेको छ । समग्र बजार घटे पनि किसान लघुवित्तको सेयर भने १० प्रतिशतले बढेको छ ।

आज बजारसँगै कारोबार रकम पनि घटेको छ । ७७ लाख १६ हजार कित्ता शेयर दुई अर्ब ९१ करोड सात लाख रुपैयाँमा कारोबार भएका छन् ।

सबैभन्दा धेरै सोल्टी होटलको १५ करोड २७ लाख रुपैयाँको सेयर किनबेच भएको छ ।