आज सुनको भाउ बढ्यो, चाँदीको घट्यो

काठमाडौं– आज सुनको मूल्यमा सामान्य वृद्धि भएको छ । आजको बजार भाउ तय गर्दै महासङ्घले आज प्रतितोला २ सय रुपैयाँले मूल्यवृद्धि भएको जनाएको हो ।

यससँगै, आज छापावाल सुनको मूल्य तोलामा १ लाख १२ हजार २ सय र तेजाबी सुनको मूल्य तोलामा १ लाख ११ हजार ६५० रुपैयाँ कायम छ ।

हिजो सोमबार छापावाल सुनको मूल्य तोलामा १ लाख १२ हजार रुपैयाँ र तेजाबी सुनको मूल्य तोलामा १ लाख ११ हजार ४५० रुपैयाँ कायम थियो ।

आज चाँदीको मूल्य भने घटेको छ । आज चाँदी तोलामा ५ रुपैयाँले घटेर तोलामा १४ सय ५५ रुपैयाँमा कारोबार भइरहेको छ ।