सेयर बजारमा दोहोरो अङ्कको गिरावट, ४ अर्ब ७३ करोड रुपैयाँको कारोबार

काठमाडौं –आइतवार ६३ अङ्कले बढेको सेयर बजार आज भने दोहोरो अङ्कले घटेको छ । सेयर बजार परिसूचक नेप्से आज २६ दशमलव ६६ अङ्कले घटेर दुई हजार दुई सय दशमलव ५० विन्दुमा झरेको छ ।

आज म्युचल फन्ड र अन्यबाहेक अरू सबै समूहको सेयर ओरालो लागेको छ । आज सबैभन्दा धेरै किसान लघुवित्तको सेयर १० प्रतिशतले बढेको छ भने लिबर्टी इनर्जीको सेयर साढे छ प्रतिशतले घटेको छ ।

नेप्से घटे पनि कारोबार रकम भने बढेको छ । दुई करोड नौ लाख ७९ हजार कित्ता सेयर चार अर्ब ७३ करोड ७६ लाख रुपैयाँमा कारोबार भएका छन् । सबैभन्दा धेरै नेपाल पुनर्बीमा कम्पनीको २५ करोड ५६ लाख रुपैयाँको सेयर खरिद÷बिक्री भएको छ ।