आज पनि सुनचाँदीको भाउ घट्यो

काठमाडौं– आज साताको दोस्रो दिन पनि सुनचाँदीको मूल्य घटेको छ । महासंघले आज सुनको मूल्य तोलामा ३ सय र चाँदीको मूल्य तोलामा ५ रुपैयाँले घटेको जनाएको हो ।

यससँगै, आज छापावाल सुनको मूल्य तोलामा १ लाख १२ हजार र तेजाबी सुनको मूल्य तोलामा १ लाख ११ हजार ४५० रुपैयाँ कायम छ ।

हिजो आइतबार छापावाल सुनको मूल्य तोलामा १ लाख १२ हजार ३०० र तेजाबी सुनको मूल्य तोलामा १ लाख ११ हजार ७५० रुपैयाँ कायम थियो । हिजो सुनको मूल्यमा ५ सय रुपैयाँको गिरावट आएको थियो ।

यस्तै, आज चाँदीको मूल्य तोलामा ५ रुपैयाँले घटेर आज १४ सय ६० रुपैयाँमा कारोबार भइरहेको छ ।