जुबली शेर्पा बनिन् मिस नेपाल नर्थ अमेरिका

काठमाडौं– न्यूयोर्क शहरमा आयोजना भएको मिस नेपाल नर्थ अमेरिका–२०२३ को टाइटल जुवली शेर्पाले जितेकी छन् । मिस नेपाल नर्थ अमेरिका विजेता शेर्पाले अन्य १७ जना प्रतियोगीहरुलाई पछि पार्दै उपाधि हात पारेकी छन् ।

यसैगरी प्रतियोगिताको फस्ट रनरअप रजिला बास्तोला र सेकेण्ड रनरअप इसा सुवेदी भए । उक्त प्रतियोगिताका लागि क्यानाडा र अमेरिकाका विभिन्न राज्यहरुबाट कूल १८ जना प्रतियोगीहरुले सहभागिता जनाएका थिए ।

हरेक वर्ष अगस्त महिनामा हुँदै आएता पनि यस बर्ष जुलाई महिनामा मात्र प्रतियोगिताको ग्राण्ड फिनाले गरियो । यो प्रतियोगीताको आयोजना ड्रिम्स युनिभर्सल एलएलसी न्युयोर्कले गरेको हो भने मिस नेपाल नर्थ अमेरिकाका आयोजक तथा प्रमुख शैलेश श्रेष्ठ हुन् ।