आजदेखि देशभर फिल्म ‘अन्तिम संस्कार’ प्रदर्शनमा

काठमाडौं– आजबाट चलचित्र ‘अन्तिम संस्कार’ प्रदर्शनमा आएको छ । असारको महिना फिल्म हेर्ने दर्शकको कमी हुन्छ भन्दै अन्य नेपाली फिल्म जुध्न नआएपछि ‘अन्तिम संस्कार’ले एकल प्रदर्शन अवसर पाएको हो ।

प्रदीप शाहीद्वारा निर्देशित फिल्म ‘अन्तिम संस्कार’ देशभर एकसाथ प्रदर्शनमा आएको हो । मर्डर मिस्ट्री (रहस्यमय हत्या)को कथामा निर्माण भएको फिल्ममा विजय लामा, दीया पुन, रेश्मा घिमिरे, एवनराज उप्रेती, त्रिचन्द्र राई, विशाल पहारी छन् ।

यसैगरी कृष्णभक्त महर्जन, श्याम राई, पासाङ शेर्पा, दिग्गज खत्री, सुस्मिता गिरी, धर्मानन्द आचार्य, सुरज खालिङ, विकास अधिकारी, आईशा तामाङको अभिनय छ । जानकारी अनुसार, फिल्ममा विजय लामाको ‘न्यूड’ सिन समावेश छ ।

साई प्रोडक्सनको ब्यानरमा ह्याम्साएर एकाउन्टेनले फिल्ममा सहकार्य गरेको छ । विनोद सुवेदी क्षितिज निर्माता रहेको फिल्मको कार्यकारी निर्मातामा भाइराजा थापा, राजकुमार गुरुङ, सुमन राई, उत्सव विष्ट, रवीन्द्र श्रेष्ठ छन् ।