पहिरोमा परेर ओखलढुङ्गा चम्पादेवीका एकै घरका तीन जनाको मृत्यु, एक जना बेपत्ता

काठमाडौै– ओखलढुङ्गाको चम्पादेवी गाउँपालिका वडा नम्बर–८ गुरुङ बस्तीमा पहिरो जाँदा एकै घरका तीन जनाको ज्यान गएको छ । एक जना बेपत्ता छन् ।

गए राति ११ बजे पहिरो गएको थियो । वडा नम्बर–८ का अध्यक्ष खड्गबहादुर बरालका अनुसार ज्यान गुमाउनेमा ३८ वर्षीय रणबहादुर गुरुङ, उनकी श्रीमती २९ वर्षीया शिवमाया गुरुङ र १८ महिनाकी छोरी कविता गुरुङ रहेका छन् ।

छोरा १० वर्षका दिनेश पहिरोमा बेपत्ता रहेको र अहिले खोजी जारी रहेको उनले बताए ।

पहिरोले चार वटा घर पूर्णरूपमा र अरू केही घर आशिंक क्षति भएका छन् । क्षतिको थप विवरण आउन बाँकी रहेको जिल्ला प्रहरी कार्यालय ओखलढुङ्गाले जनाएको छ ।