आज पनि घट्यो सुनचाँदीको मूल्य

काठमाडौं– आज पनि सुनचाँदीको मूल्य घटेको छ । हिजो पनि सुनचाँदीको मूल्य घटेको थियो । महासंघका अनुसार आज सुनको मूल्य तोलामा ८ सय र चाँदीको मूल्य ४५ रुपैयाँले घटेको छ ।

यससँगै, आज छापावाल सुनको मूल्य तोलामा १ लाख ११ हजार रुपैयाँ र तेजाबी सुनको मूल्य १ लाख १० हजार ४५० रुपैयाँ कायम छ । हिजो सुनको मूल्य प्रतितोला २ सय रुपैयाँले घटेको थियो ।

यस्तै, आज चाँदीको मूल्य प्रतितोला ४५ रुपैयाँले घटेको छ । हिजो १४ सय ३० रुपैयाँ कायम रहेको चाँदी आज १३ सय ८५ रुपैयाँमा कारोबार भइरहेको छ ।