बाढी पहिरोबाट ज्यान गुमाएकाको परिवारलाई कोशी प्रदेशले १ लाख रुपैयाँ दिने

काठमाडौं– कोशी प्रदेश सरकारले बाढी पहिरोबाट ज्यान गुमाएकाको परिवारलाई राहतस्वरूप एक लाख रुपैयाँ दिने भएको छ ।

प्रदेश मन्त्रिपरिषद्को सोमवार बसेको बैठकले प्रदेशमा आएको बाढी पहिरोमा परेर ज्यान गुमाएकाको परिवारलाई एक लाख र घाइतेलाई उपचारका लागि ५० हजार रुपैयाँ राहतस्वरूप दिने निर्णय गरेको छ ।

मुख्यमन्त्री तथा मन्त्रिरिषद्को कार्यालय विराटनगरमा बसेको बैठकले यो निर्णय गरेको मुख्यमन्त्रीका प्रेस सल्लाहकार महेन्द्र विष्टले जानकारी दिए ।