भारतका चर्चित अभिनेता नितेश पाण्डेको निधन

एजेन्सी– भारतका चर्चित अभिनेता नितेश पाण्डेको ५१ वर्षको उमेरमा निधन भएको छ । हालसम्म प्राप्त जानकारीका अनुसार उनको मृत्यु कार्डियाक अरेस्टका कारण भएको हो ।

नितेश पाण्डेले थुप्रै हिन्दी फिल्म र टेलिभिजन सिरियलमा काम गरेका छन् । केही समय अघि उनी चर्चित टिभी सिरियल ‘अनुपमा’ मा पनि देखिएका थिए ।

टिभी अभिनेता देवेन भोजानीले नितेशको निधनको खबर दिँदै उनको राती दुई बजे कार्डियाक अरेस्टका कारण निधन भएको जानकारी दिए ।
उनले ओम शान्ति ओम, दबंग–२, रंगुन, खोसला का घोसला, मिकी भाइरसजस्ता फिल्ममा पनि अभिनय गरेका छन् ।