छुरा प्रहार गरी रौतहटमा छिमेकीको हत्या

रौतहट – सामान्य विवादका क्रममा रौतहटमा छुरा प्रहार गरी एक युवकले आफ्नै छिमेकीको हत्या गरेका छन्।

गौर नगरपालिका ७ सिसवा गाउँका ३५ वर्षीय शेख कबिरले छुरा प्रहार गरी छिमेकी ५० वर्षीय यार महदम खानको गए राति हत्या गरेका हुन्। गए राति १० बजे दुवैजना बीच सामान्य विवाद हुँदा कविरले खानको पेटमा छुरा प्रहार गरेका थिए। पेट र मुटुमा गम्भीर चोट लागेका खानलाई तत्कालै उपचारको लागि प्रादेशिक अस्पताल गौर लगिएको थियो । यद्धपी चिकित्सकले उनलाइृ मृत घोषणा गरेको प्रहरीले जनाएको छ।

घटनापछि खबर गर्नासाथ प्रहरी टोली घटनास्थलमा पुग्न अघि नै आरोपी कबीर फरार रहेको जिल्ला प्रहरी कार्यालय रौतहटका इन्स्पेक्टर विन्देश्वर यादवले बताए।  हत्याका अभियुक्त मानसिक रोगी रहेको र उसको खोजी तथा घटनाबारे अनुसन्धान भइरहेको इन्स्पेक्टर यादवले जानकारी दिए।

मृतक खानको शव पोस्टमार्टमको लागि प्रादेशिक अस्पताल गौरमा राखिएको छ।