एमाले उपाध्यक्ष विष्णु पौडेलमाथि कुर्सी प्रहार

अछाम – अछाममा नेकपा एमालेका केन्द्रिय उपाध्यक्ष विष्णु पौडेलमाथी कुर्सी प्रहार भएको छ ।

एमालेद्धारा आयोजित् एक कार्यक्रममा उपाध्यक्ष पौडेलमाथी कुर्सी प्रहार भएको हो । अछाममा एमालेको कार्यक्रममा नेता डा. भीम रावल ल्याईनुपर्ने भन्दै रावलकै पक्षमा नारा लगाउँदै उपाध्यक्ष विष्णु पौडेल उपस्थित रहेको कार्यक्रम नै विथोलिएका थिए ।

सोमबार उपाध्यक्ष पौडेलसहित प्रदेश इन्चार्ज लेखराज भट्ट, सहइन्चार्ज कर्ण थापा, प्रदेश अध्यक्ष दामोदर भण्डारीलगायत नेताहरू उपस्थित  थिए । कार्यक्रममा रावलको विरोध भएपछि कार्यकर्ताले कार्यक्रम नै विथोलेको छ ।

पार्टीको आन्तरिक कार्यक्रममा एमाले नेता भीम रावलका सन्दर्भमा कसैले केही नबोल्ने सहमति शीर्ष तहमा भएकाे थियाे । तर उक्त सहमति विपरीत नेता पदमराज जाेशीले मन्तव्यका क्रममा रावलकाे विराेध गरेपछि रावल पक्षधर कार्यकर्ताहरूले नाराबाजी गर्दै मञ्चमा कुर्सी प्रहार गरेका थिए । साँफेबगरस्थित खाद्य गोदामको हलमा आयोजित कार्यक्रममा असामान्य अवस्था भएपछि कार्यक्रम नै स्थगित भएको छ । पछि जोशीले रावलका सन्दर्भमा आफूले बोलेका शब्द फिर्ता लिएपछि कार्यक्रम सुचारु भएकाे थियाे ।

तर उपाध्यक्ष पौडेलले पनि रावलका सन्दर्भमा कुरा सुरु गर्नै लाग्दा पुनः नाराबाजी भएकाे थियाे । यसैबीच उपाध्यक्ष पाैडेलले आफूमाथि गलत आराेप लगाएकाे भन्दै नेता रावलले आपत्ति जनाएका छन् ।