गण्डकी सरकारलाई दिएको समर्थन माओवादीद्वारा फिर्ता

पोखरा – नेकपा माओवादी केन्द्रले गण्डकी प्रदेश सरकारलाई दिएको समर्थन फिर्ता लिएको छ ।

शुक्रबार बसेको माओवादी संसदीय दलको बैठकले एमाले नेतृत्वको सरकारलाई दिएको समर्थन फिर्ता लिने निर्णय गरेको हो । यससँगै मुख्यमन्त्री खगराज अधिकारीले राजीनामा बुझाउने भएका छन् ।

गण्डकीमा अब बन्ने सरकारको नेतृत्व कांग्रेस दाबी गरिरहेको छ। मुख्यमन्त्रीमा कांग्रेस प्रदेश संसदीय दलको नेता सुरेन्द्र पाण्डेले दावी गर्ने छन् ।