कन्चटमा गोली लागेको अवस्थामा प्रहरी जवान मृत फेला

सर्खेत – सुर्खेतमा एक जना प्रहरी जवान कन्चटमा गोली लागेको अवस्थामा मृत फेला परेका छन् ।

कर्णाली प्रदेश प्रहरी गणमा कार्यरत प्रहरी जवान कवीन्द्र विक कन्चटमा गोली लागेको अवस्थामा आज विहान मृत फेला परेका हुन् । जिल्ला प्रहरी कार्यालय सुर्खेतकी प्रहरी निरिक्षक झरना सोनारका अनुसार विक आफैंले बोकेको एसएलआरको गोली दायाँ कन्चटमा लागेको छ । उनका अनुसार ड्युटीमै रहेका प्रहरी जवान विक मृत फेला परेका हुन् ।

अहिले शव शव पोष्टमार्टमका लागि कर्णाली प्रदेश अस्पतालमा पठाइएको र घटनाको थप अनुसन्धान गरिरहेको इन्सपेक्टर सोनारले जानकारी दिइन् ।