बागमती प्रदेशका मुख्यमन्त्री राजेन्द्र पाण्डेलाई मातृशोक

धादिङ – बागमती प्रदेशका मुख्यमन्त्री तथा नेकपा एकीकृत समाजवादी पार्टीका बरिष्ठ उपाध्यक्ष राजेन्द्रप्रसाद पाण्डेलाई मातृशोक परेको छ ।

मुख्यमन्त्री पाण्डेका आमा मनमाया पान्डेको ८७ वर्षको उमेरमा आज बिहान निधन भएको हो । स्वर्गिय पाण्डे कान्छो छोरा दिपेन्द्रसंग काठमाडौंस्थित सितापाइलामा बस्दै आएकी थिइन् । नेकपा एमालेका उपाध्यक्ष एंव अर्थ मन्त्री सुरेन्द्र प्रसाद पाण्डे, ज्ञानेन्द्र पान्डे , उपेन्द्र पान्डे र दिपेन्द्र पान्डेसहित पाण्डेका पाँच दाजुभाइ छन् ।

उनको आजै पशुपति आर्यघाटमा अन्त्यस्टी गर्ने कार्यक्रम छ । आफ्नो आमाको निधनपस्चात् मुख्यमन्त्री र नेता पाण्डेले आफु सहभागी हुने सवै राजनीतिक कार्यक्रम स्थगित गरेका छन् ।