यस्तै चेल्सीले एक गोलले पछि परेको स्थिती उल्टाएर लण्डन डर्बीमा वेष्टह्याममाथि २-१ को जित निकालेको छ । चेल्सीका लागि बेन चिलवालले ७६औं र काई हाभार्ट्जले ८८औं मिनेटमा गोल गरे । मिकेल एन्टोनियोले ६३औं मिनेटमा गोल गर्दै वेष्टह्यामलाई अग्रता दिलाएपनि कायम राख्न सकेन । ९०औं मिनेटमा वेष्टह्यामका म्याक्सवेल कोर्नेटले गोल गरेपनि भिएआरले मान्यता नदिँदा चेल्सी भाग्यमानी बन्दै विजेता भयो ।
जितपछि ६ खेलबाट १० अंक जोडेर चेल्सी पाँचौ स्थानमा उक्लेको छ । मर्सिसाइड डर्बीमा लिभरपुल र एभरटनले गोलरहित बराबरी खेल्दै अंक बाँडेका छन् । यस सिजन तेस्रो बराबरी खेलेको लिभरपुल ९ अंक सहित छैटौं स्थानमा छ ।
