नेपाल बन्दको मौका छोपी आफ्नै ट्रिपरमा आगजनी : चालक र सहचालक पक्राउ

दाङ – दाङमा चालक र सहचालकले आफैंले चलाउँदै आएको ट्रिपरमा आगो लगाएका छन् ।

(घोराही – लमही) सडकखण्डको बबई खोला पुलमा रा १ ख १६९४ नम्बरको ट्रिपरमा आगो लगाइएको प्रहरीले जनाएको छ। विभिन्न चार राजनीतिक दलले आह्वान गरेको बन्दको मौका पारी बिहान गाडीमा आगजनी भएको देखेपछि चालक अरुण चौधरी र सहचालक आकाश चौधरीलाई नियन्त्रणमा लिइएको जिल्ला प्रहरी प्रमुख एसपी सुरेश काफ्लेले बताए ।

उनीहरूलाई नियन्त्रणमा लिएर अनुसन्धान गर्दा गाडी मालिकको सहमतिमा बिग्रेको गाडीमा आगजानी गरेको पुष्टि भएको उनले बताए ।