२०८१ मंसिर ७, शुक्रबार

हाइटेन्सन लाइनको करेन्ट लागेर धादिङमा एक महिलाको मृत्यु

शुभयुग संवाददाताप्रकाशित मिति: २०७९ जेष्ठ २९, आईतबार (२ साल अघि)

७३१ पाठक संख्या

धादिङ – धादिङमा हाइटेन्सन लाइनको करेन्ट लागेर एक महिलाको मृत्यु भएको छ ।

धादिङको थाक्रे गाउँपालिका – १ मा बारीमा मकै गोडेर घर फर्कँदै गरेकी ४३ वर्षीया निर्मला घर्ती क्षेत्रीको हाइटेन्सन लाइनको करेन्ट लागेर मृत्यु भएको हो । बारीमा मकै गोडेर घर फर्कँदै गर्दा ति महिलालाई करेन्ट लागेको थियो ।

एघार हजार भोल्टेजको तारले रुखमा छोएका कारण करेन्ट लागेको स्थानीयवासीले बताएका छन् । लगातार पानी परिरहेको अवस्थामा बाटो हिँड्दा उनलाई करेन्ट लागेको थियो ।

करेन्ट लागेकी महिलाको घटनास्थलमै मृत्यु भएको प्रहरीले जनाएको छ ।