टिकट लिएर हेलिकप्टरमा जिल्ला गएका मेयरको उम्मेद्वारमाथी हातपात

खोटाङ – खोटाङको दिक्तेलमा कांग्रेसको तर्फबाट मेयरका उम्मेदवारलाई कार्यकर्ताले हातपात गरेका छन् ।

काठमाडौंबाट दिक्तेल रुपाकोट मझुवागढीको मेयर पदको टिकट लिएर हेलिकप्टरमा जिल्ला गएका धर्मराज पोखरेललाई कार्यकर्ताले हातपात गरेका हुन ।

पोखरेललाई असन्तुष्ट कार्यकर्ताले आक्रमण प्रयास गरेको तर, प्रहरीले आक्रमण हुनबाट रोकेको खोटाङका डिएसपी उमेश लम्सालले रातोपाटीलाई बताए । केहीबेरको विरोधपछि धर्मराज पोखरेलले मेयरमा मनोनयन दर्ता गराएका छन् ।