अमेरिकी राष्ट्रपति बाइडनमाथि रुसी प्रतिबन्ध

मस्को – रुसले अमेरिकी राष्ट्रपति जो बाइडन र विदेशमन्त्री एन्टोनी ब्लिंकनसहित ५ अधिकारीमाथि प्रतिबन्ध लगाएको छ ।

रुसी विदेश मन्त्रालयले प्रतिबन्धबारे जानकारी दिएको हो । अमेरिकी राष्ट्रपति बाइडन, विदेशमन्त्री ब्लिंकन, रक्षा सचिव लोयड अस्टिन, राष्ट्रिय सुरक्षा सल्लाहकार जेक सुलिभान र सीआईए प्रमुख विलियम बन्र्समाथि प्रतिबन्ध लगाइएको रुसी विदेश मन्त्रालयले जनाएको छ ।

रुसले युक्रेनमा आक्रमण गरेपछि अमेरिका र पश्चिमी देशहरूले रुसमाथि लगाएका कयौं प्रतिबन्ध लगाएका कारण रुसले पनि अमेरिकामाथि प्रतिबन्ध लगाएको बीबीसीले जनाएको छ । अमेरिका र पश्चिमा देशहरुले केही रुसी कम्पनीहरुमाथि प्रतिबन्ध लगाएका छन् ।

अमेरिकाले रुसबाट तेल आयात पनि रोकेको छ ।