महालक्ष्मी विकास बैंकद्वारा सामाग्री प्रदान

काठमाण्डौ – महालक्ष्मी विकास बैंक लिमिटेडले सामाजिक उत्तरदायित्व अन्तर्गत बैंकको पोखरा, चिप्लेढुङ्गा शाखाले पोखरा महानगरपालिका वडा नं.१९ हेम्जा अवस्थित अम्विका माध्यमिक विद्यालयलाई साइन्स ल्यावका लागि आवश्यक सामाग्री प्रदान गरेको छ ।

यस सहयोगबाट विद्यालयमा अध्ययनरत विद्यार्थीको प्रयोगात्मक पढाइलाई थप प्रभावकारी बनाउने विश्वासका साथ उक्त प्रयोगसालाका सामाग्रीहरु प्रदान गरिएको सो शाखाका शाखा प्रवन्धक किरण घिमिरेले जानकारी दिएका हुन ।

एक कार्यक्रमका बिच उक्त विज्ञान प्रयोग शालाका सामाग्री विद्यालयका व्यवस्थापन समितिका अध्यक्ष सुवास भण्डारीलाई हस्तान्तरण गरिएको पनि विज्ञप्तिमा उल्लेख छ ।