रुसका सबै विमानलाई अमेरिकामा प्रतिबन्ध

वासिङ्टन – अमेरिकाले रुसका सबै विमानलाई प्रतिबन्ध लगाएको छ ।

अमेरिकी राष्ट्रपति जो बाइडेनले संसदलाई सम्बोधन गर्दै रुसका सबै उडानलाई अमेरिकी हवाई क्षेत्रको प्रयोग गर्न नदिने घोषणा गरेका हुन् ।
बाइडेनले संसदलाई सम्बोधन गर्दै रुसका सबै उडानले अब अमेरिकी हवाई क्षेत्रको प्रयोग गर्न नसक्ने पुष्टि गरेका छन् । उनले आफ्नो भाषणका बेला यी रुसी उडानमा सबै प्रकारका व्यावसायिक र नीजि उडान समावेश भएको बताएका छन् ।

यसै प्रकारको कदम युरोपेली राष्ट्र र क्यानडाले पहिले नै उठाइसकेका छन् । बाइडेनले यो प्रतिबन्धले रुसलाई थप एक्ल्याउने र उसको अर्थव्यवस्थामा भारी दबाब पर्ने बताएका छन् । उनले रुसी मुद्रा रुबल र स्टक मार्केट पहिले नै आफ्नो भ्यालू ३० देखि ४० प्रतिशतसम्म गुमाइसकेको पनि बताए । राष्ट्रपति बाइडेनले अमेरिकीबाट युक्रेनी जनतालाई प्रेरणा लिन पनि भने ।

उनले भने, ‘पुटिनले ट्याङ्कले किभलाई पक्कै पनि घेर्न सक्छन् तर उनीहरुले कहिल्यै पनि मानिसको मन भने जित्न सक्नेछैनन् ।’