सिंहदरबारको बैठक लगत्तै बालुवाटार पुगे प्रचण्ड

काठमाण्डौ – माओवादी केन्द्रका अध्यक्ष प्रचण्ड, प्रधानमन्त्री शेरबहादुर देउवालाई भेट्न बालुवाटार पुगेका छन् ।

अमेरिकी सहयोग परियोजना एमसीसीबारे सत्तारुढ तीन दलका शीर्ष नेताहरुबीचको छलफल लगत्तै प्रचण्ड, प्रधानमन्त्री देउवालाई भेट्न बालुवाटार पुगेका हुन् । प्रचण्ड के कारणले बालुवाटार पúे भन्नेबारे खुलाईएको छैन ।

यद्धपी प्रधानमन्त्री देउवाले बोलाएकाले प्रचण्ड बालुवाटार गएको बुझिएको छ । ‘प्रधानमन्त्रीले नै छलफल गर्न बोलाउनुभएकाले जानुभएको हो’, माओवादी केन्द्रका एक नेताले भनेका छन् ।

अमेरिकी सहयोग परियोजना एमसीसीबारे सत्तारुढ तीन दलका शीर्ष नेताहरुबीच छलफल भएको थियो । माओवादी केन्द्र, एकीकृत समाजवादी र जनता समाजवादी पार्टीका शीर्ष नेताहरुबीच सिंहदरबारमा छलफल भएको हो ।