एमसीसीबारे नेकपा एसमा चर्को विवाद : बोलायो सचिवालय बैठक

काठमाण्डौ – सत्तारुढ दल नेकपा एकीकृत समाजवादीमा एमसीसीबारे चर्को विवाद भएपछि केन्द्रीय सचिवालय बैठक बोलाइएको छ ।

पार्टीले आज सोमबार दिउँसो १ बजेका लागि बैठक बोलाएको स्थायी कमिटी सदस्य जीवनराम श्रेष्ठले जानकारी दिए । यसअघि गत शनिबार बसेको समाजवादीको स्थायी कमिटी बैठकले एमसीसी संसदमा पेश गर्न दिने तर संशोधनबिना पास नगर्ने निर्णय गरेको थियो ।

तर, पार्टीका सम्मानित नेता झलनाथ खनालले एमसीसी संसदमा पेश गर्न दिने निर्णय नै नगरेको भन्दै चर्को असन्तुष्टि जनाएका थिए । उनले एमसीसी पेश गर्न दिएकोमा आइतबारको संसद बैठकमासमेत विरोध गरेका थिए ।