एमसीसीको विपक्षका सत्ता पक्षीय नेताहरुको छुट्टै छलफल

काठमाण्डौ – सत्तारुढ गठबन्धनमा एमसीसीको विपक्षमा रहेका नेताहरुको छुट्टै छलफल सुरु भएको छ ।

आज बस्ने प्रतिनिधिसभा बैठकबारे छलफल गर्न सत्ता गठबन्धनमा रही एमसीसीको विपक्षमा रहेका नेताहरु आन्तरिक छलफलमा जुटेका हुन् । छलफलमा एकीकृत समाजवादीका अध्यक्ष माधव नेपाल, सम्मानित नेता झलनाथ खनाल, जसपा अध्यक्ष उपेन्द्र यादव र माओवादी नेता नारायणकाजी श्रेष्ठ लगायत सहभागी छन् ।

बैठक माओवादी केन्द्रका अध्यक्ष प्रचण्डको निवास खुमलटारमा छलफल सुरु भएको छ । स्रोतका अनुसार आज शुक्रबार विहान १० बजे सत्ता गठबन्धनको बैठक बस्नुअघि एमसीसी विरोधी नेताहरुबीच छलफल भइरहेको छ ।