भुसालको निर्देशनमा ‘तिमी हिँड्ने बाटो भरि’

गायक बादल श्रेष्ठ र गायिका श्रद्धा दियालीको स्वर रहेको ‘तिमी हिँड्ने बाटो भरि’ सार्वजनिक भएको छ ।

गीतकार सागर बास्तोलाको शब्द रचना रहेको यो गीतमा सन्तोष प्रगाढको संगीत तथा एरेन्ज रहेको छ । गीतको भिडियोमा प्रेमिप्रेमिका बादल श्रेष्ठ र सुस्मिता श्रेष्ठको प्रेमालाप गरिरहेको दृश्यलाई प्रस्तुत गरिएको छ ।

भिडियोमा भविष्यको सुन्दर कल्पना गरिएको विषयलाई देखाइएको छ । गिरि भुसालले निर्देशन गरेको भिडियोमा ग्रामीण परिवेशलाई उतारिएको छ । सरोज शाहीको छायांकन तथा सम्पादन रहेको गीतको भिडियोलाई बिजी इन्टरटेन्मेन्टले बजारमा ल्याएको हो ।

गीतकार बास्तोलाले प्रेमिप्रेमिकाको भावनालाई आफूले शब्दमा उतारेको बताए ।