पाँचथरको यासोक बजारमा भीषण आगलागी

पाँचथर – पाँचथरको यासोक बजारमा भीषण आगलागी भएको छ ।

शनिवार साँझ कुम्मायक गाँउपालिकाको केन्द्र यासोक बजारको बिचमा रहेको घरबाट आगलागी सुरु भएको थियाे । आगलागीबाट झरेन्द्र खतिवडाको घर जलेर नष्ट भएको प्रहरीले जनाएको छ ।

अन्य दुई घरमा आगलागी भइरहेको वडाध्यक्ष देवेन्द्र लावतीले जानकारी दिए । आगो नियन्त्रणका लागि सदरमुकाम फिदिमबाट दमकल पठाइएको जिल्ला प्रशासन कार्यालय पाँचथरले जनाएको छ ।