दार्चुलामा खस्यो अत्याधुनिक यन्त्रजडित भारतिय बेलुन

दार्चुला – दार्चुलाको नौगाडमा अत्याधुनिक यन्त्रजडित भारतिय बेलुन खसेको छ ।

बिहीबार राति नौगाड गाउँपालिकामा अकास्मात् आकाशबाट विद्युतीय यन्त्रजडित भारतिय बेलुन खसेको हो । अन्दाजी राति ८ बजेतिर तीन ओटा ब्याट्री जडान गरिएको विद्युतीय यन्त्र जस्तो देखिने बेलुन खसेको स्थानीय अर्जुनसिंह ठगुन्नाले बताए ।

आकाशमा उडिरहेको बेलुन विद्युतीय पोलमा ठोक्किएर खसेपछि हेर्दा भारतीय मोबाइल नम्बर लेखिएको ब्याट्रीजडित डिभाइस पाइएको उनले बताए ।

विद्युतीय यन्त्र जस्तो देखिने उक्त वस्तुभित्र मेमोरी कार्ड जस्ता प्लेटहरू, तीन ओटा ब्याट्री जडान गरिएको छ भने भारतीय मोबाइल नम्बर लेखिएको छ ।