सिन्धुपाल्चोकमा खुकुरी प्रहारगरी दूईजनाको हत्या

बाह्रबिसे – सिन्धुपाल्चोकको बलेफीमा खुकुरी प्रहारबाट दुई जनाको हत्या भएको छ ।

आइतबार साँझ बलेफी गाउँपालिका – ७ माथिल्लो चिम्लिङमा स्थानिय विजय तामाङले मादक पदार्थ सेवन गरी दुई जनाको हत्या गरेको सिन्धुपाल्चोक प्रहरीले जनाएको छ ।

जिल्ला प्रहरी कार्यालय सिन्धुपाल्चोकका प्रमुख, प्रहरी उपरीक्षक राजन अधिकारीका अनुसार तामाङको खुकुरी प्रहारबाट स्थानीयवासी ७० वर्षीया वासुमाया तामाङ र ५९ वर्षीय सन्तवीर तामाङको हत्या भएको छ ।

हत्याको खवर पाएलगत्तै पुगेको प्रहरी टोलीले अभियुक्त तामाङलाई नियन्त्रणमा लिई घटनाको थप अनुसन्धान भइरहेको छ ।