संखुवासभामा वडाध्यक्षमाथि ढुङ्गा प्रहार

संखुवासभा – संखुवासभाको चिचिला गाउँपालिका – २ का वडाध्यक्ष मिरबहादुर राईमाथि ढुंगा प्रहार भएको छ ।

मंगलबार साँझ वडाध्यक्ष राई माथि अज्ञात समूहद्धारा ढुङ्गा प्रहार भएको जिल्ला प्रहरी कार्यालय संखुवासभाका प्रहरी निरीक्षक शुभेष अधिकारीले बताए । ढुंगा प्रहारबाट वडाध्यक्ष राई सामान्य घाइते भएको उनको भनाइ छ ।

मोटरसाइकलमा घर जाँदै गर्दा अज्ञात समूहले वडाध्यक्ष राईमाथि ढुङ्गा प्रहार भएको बताइएको छ । अज्ञात समूहको ढुङ्गा प्रहारबाट सामान्य घाइते टाउको, ढाड र हातमा सामान्य चोट लागेको वडाध्यक्षले राईले बताए ।

वडाध्यक्ष राई माथि ढुङ्गा प्रहार गर्ने समूहको खोजी भइरहेको जिल्ला प्रहरी कार्यालय संखुवासभाले जनाएको छ ।