मन्त्री आले सवार गाडीमा ठक्कर दिने कार चालक पक्राउ

धनगढी – पर्यटनमन्त्री प्रेम आले सवार गाडीमा ठक्कर दिने कार चालक पक्राउ परेका छन् ।

मंगलवार साँझ आठ बजे विमानस्थलबाट बाहिरिने क्रममा मूल सडकमा पुग्ने बित्तिकै मन्त्री आले सवार सु.प.०१ ००१ झ ३३३ नम्बरको गाडीलाई कारले ठक्कर दिएको थियो । उक्त दुर्घटनामा ठक्कर दिने कार चालक कञ्चनपुर कृष्णपुर ९ निवासी पवन कडायतलाई प्रहरीले नियन्त्रणमा लिएको जिल्ला प्रहरी कार्यालय कैलालीका प्रवक्ता डीएसपी वेदप्रकाश जोशीले जानकारी दिए ।

कडायत सवार बा ४६ प १३७७ नम्बरको कारले गाईलाई ठक्कर दिएर अनियन्त्रित भई मन्त्री आले सवार कारलाई ठक्कर दिएको जोशीको भनाइ छ ।