भालुको आक्रमणबाट युवा युवती घाइते

बैतडी – जङ्गली भालुको आक्रमणबाट बैतडीमा युवा युवती गम्भीर घाइते भएका छन् ।

शनिबार दिउँसो घर नजिकैको जङ्गलमा घाँस काट्न गएका बेला उनिहरुलाई जङ्गली भालुले आक्रमण गरेको थियो । घाइते हुनेहरुमा पञ्चेश्वर गाउँपालिका – ५ नेटाका ३२ वर्षीय महेशराम भुल र सोही ठाउँका ४० वर्षीया कमला चन्द रहेको जिल्ला प्रहरी कार्यालयका प्रहरी प्रवक्ता बोधराज ओझाले जानकारी दिए ।

प्रहरीका अनुसार अहिले घाइतेहरुको जिल्ला अस्पतालमा उपचार भइरहेको छ ।