मुख्यमन्त्री पाण्डेद्धारा गजुरी २ को वडा कार्यालय भवनको उद्घाटन

धादिङ – गजुरी गाउँपालिका वडा नंं.२ को वडा कार्यालय भवन उद्घाटन गरिएको छ ।

सोमबार बागमती प्रदेशका मुख्यमन्त्री राजेन्द्रप्रसाद पाण्डेले वडा कार्यालय भवनको उद्घाटन गरेका हुन् । वडा अध्यक्ष चुडामणि कँडेलको अध्यक्षतामा भएको उद्घाटन कार्यक्रममा गाउँपालिकाका अध्यक्ष राजेन्द्रबिक्रम बस्नेत, उपाध्यक्ष सीता ढुंगाना, प्रमुख प्रशासकीय अधिकृत राजन घिमिरेलगायत दलका नेताहरू सहभागी थिए । भवन निर्माणपछि दैनिक कार्यसम्पादनमा सहज हुने वडा अध्यक्ष चुडामणि कँडेलले बताए ।

भवन उद्घाटन कार्यक्रममा सम्बोधनको क्रममा मुख्यमन्त्री पाण्डेले गाउँको विकास निर्माण र जनताको घरदैलोमा बसेर नियमित काम गर्न कार्यकर्तालाई निर्देशन दिएका छन् । समाजवादी पार्टीको स्थापनापछि जनतामा नयाँ उत्साह आएको र यसले विकासका काममा उदार ल्याउनेमा कार्यकर्तालाई पाण्डेले विश्वस्त पारेका थिए ।

वडा कार्यालय निर्माणका लागी स्थानिय सुजन कँडेललले १ रोपनी जग्गा दान गरेका थिए ।

त्यस्तै सोमबार नै मुख्यमन्त्री पाण्डेले सिद्धलेक गाउँपालिका ७ को नेकपा एकिकृत समाजवादीको वडाभेलालाई सम्बोधन गरेका थिए । सिद्धलेक ७ वडा कमिटीले आयोजना गरेको वडा भेलाले भोज पुरीको अध्यक्षतामा पार्टी कमिटी समेत गठन गरेको छ ।