सीपी मैनालीलाई प्रचण्डको प्रश्न – ‘राप्रपाको अध्यक्ष हुन लाग्या हो ?’

काठमाण्डौ – नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले सीपी मैनालीलाई राप्रपाको अध्यक्ष बन्ने दौडमा लागेको भन्दै व्यङ्ग्य गरेका छन् ।

आज बुधबारदेखि सुरु भएको राष्ट्रिय प्रजातन्त्र पार्टीको एकताको महाधिवेशनमा शुभकामना दिने क्रममा मैनालीले राजा महेन्द्रको प्रशंसा र राष्ट्रवादको चर्चा गरेकोप्रति इंकित गर्दै अध्यक्ष दाहालले, राप्रपाको अध्यक्षको दौडमा लागेको भन्दै व्यङ्ग्य गरेका हुन् । ‘राजतन्त्र सिध्याउनुपर्छ भनेर टाउको काट्ने सुरुवात उहाँले नै गर्नुभयो, अहिले बोल्दा महान राजा भन्दै हुनुहुन्छ,’ प्रचण्डले भने । ‘मलाई त लाग्यो उहाँ राप्रपाको अध्यक्ष हुने तयारी गर्दै हुनुहुँदो रहेछ क्यारे ।’

त्यस्तै प्रचण्डले आफूहरुको मत नमिल्ने भन्दै अध्यक्ष दाहालले आफू गणतन्त्रवादी भएको जिकिर गर्दै उनले राप्रपा र एकीकृत माओवादीको गोत्र मिल्ने बताए । गणतन्त्रवादी र राजावादीको मुख्य विचार नमिले पनि देशको हितको लागि भने आफूहरुको कुरा मिल्नेगरेको दाहालले जिकिर गरे ।