करेन्ट लागेर महिलाको मृत्युभएपछी ६ जना पुरुष पक्राउ

पाल्पा – पाल्पामा करेन्ट लागेर एक महिलाको मृत्यु भएपछी ६ जना पुरुषलाई प्रहरीले पक्राउ गरेको छ ।

खोलामा करेन्ट लगाएर माछा मार्ने क्रममा एक जना महिलाको मृत्यु भएपछि घटनामा संलग्न रहेको भन्दै ६ जना पुरुषलाई प्रहरीले पक्राउ गरेको हो । जिल्ला प्रहरी कार्यालय पाल्पाले ६ जना पुरुषलाई पक्राउ गरेको जनाएको छ । गत कात्तिक ३० गते घरबाट घाँस काट्न भनेर गएकी रैनादेवी छहरा – २, ताङ्सिङ्गलका ३२ वर्षीय सुमित्रा विकको सर्दी खोलामा माछा मार्नका लागि प्रयोग भएको करेन्ट लारेर मृत्यु भएको थियो ।

पक्राउ पर्नेमा रैनादेवी छहरा -२, सोमादीका ३५ वर्षका हुमबहादुर घर्तीमगर, सोही स्थानका ४४ वर्षका हरिप्रसाद पाण्डे, २४ वर्षका अनिल बुढा, ३२ वर्षका पदमबहादुर गाहा र २७ वर्षका धनबहादुर गाहा र रिब्दीकोट – १, बस्ने ३० वर्षका केशब आले रहेका छन् ।

त्यस्तै घटनामा संलग्न रैनादेवी छहरा – २, का ३५ वर्षका सूर्य गरम्जा र सोही स्थानका २८ वर्षका लालबहादुर बुढाथोकी फरार रहेको प्रहरीले जनाएको छ । पक्राउ गरिएकामाथि थप अनुसन्धान कार्य भइरहेको जिल्ला प्रहरी कार्यालय पाल्पाले जनाएको छ ।