मुगु सदरमुकाममा भिषण आगलागी :  २१ घर जलेर ध्वस्त

मुगु – मुगु सदरमुकाममा भिषण आगलागी हुँदा २१ घर जलेर ध्वस्त भएको छ ।

गएराति १ बजेतिर सदरमुकाम गमगढी स्थित तल्लो बजारमा भिषण आगलागी हुँदा २१ घर जलेर नष्ट भएका हुन् । स्थानीय ठील्ले लामाको घरमा बल्दै गरेको दियोबाट आगलागी सुरु भएको जिल्ला प्रहरी कार्यालय मुगुका प्रहरी नायव उपरिक्षक चित्र बहादुर भट्टराईले जानकारी दिए ।

आगलागीमा परी १८ घर ३ वटा घुम्ती पसल ध्वस्त भएका छन्, भने करोडौंको धनमाल, जिन्सी सामान, व्यापारीक सामान जलेर नष्ट भएका छन् । आगलागीबाट मानवीय क्षती भने नभएको प्रहरीले जनाएको छ ।आगलागी नियन्त्रणमा नेपाल प्रहरी, सशस्त्र प्रहरी, नेपाली सेना, नगर प्रहरी र स्थानीयबासीको सहभागीता रहेको थियो ।