घरयासी झगडा हुँदा श्रीमान श्रीमतीबीच हानाहान : श्रीमान ठहरै , श्रीमती गम्भिर घाईते

तेह्रथुम – तेह्रथुममा श्रीमान र श्रीमतीबीच हानाहान हुँदा श्रीमानको मृत्यु भएको छ ।

आइतबार साँझ छथर गाउँपालिका – ३ ज्यामिरे बस्ने ५४ वर्षीय श्रीमान गोबिन्द बहादुर लिम्बु र उनकै श्रीमती ५२ वर्षीया भक्तकुमारी लिम्बुबीच आपसी झगडा भई हानाहान हुँदा श्रीमान गोबिन्द बहादुरको राति मृत्यु भएको हो । उनीहरुबीच आफ्नै घरमा झगडा तथा कुटपिट हुँदा टाउकोमा चोट लागी गम्भीर घाइते भएका गोबिन्द बहादुरको, छथर अस्पतालमा उपचारको क्रममा मृत्यु भएको हो ।

साथै बेहोस अवस्थामा रहेकी भक्त कुमारीलाई सोही अस्पताल हुँदै थप उपचारको लागि धरान घोपा अस्पताल रिफर गरिएको छ । यस सम्बन्धमा प्रहरीले थप अनुसन्धान गरिरहेको छ ।