गलैँचा कारखानामा भित्र जुवा खेलिरहेका ११ जना पौने २ लाखसहित पक्राउ

काठमाण्डौ – राजधानी काठमाण्डौबाट जुवा खेलिरहेका ११ जना पौने २ लाखसहित पक्राउ परेका छन् ।

राजधानीको गोकर्णेश्वर नगरपालिका – ७, दक्षिणढोकास्थित एउटा गलैँचा कारखाना भित्र जुवा खेलिरहेका ११ जनालाई प्रहरीले पक्राउ गरेको हो । प्रहरीले उनिहरुको साथबाट १ लाख ७२ हजार ६ सय ५ रुपैयाँसमेत बरामद गरेको छ । बारा घर भएका ४३ वर्षीय मनबहादुर तामाङको गलैँचा कारखानामा कौडा खेलिरहेको अवस्थामा तामाङलगायत ११ जनालाई प्रहरीले पक्राउ गरेको हो ।