धादिङको मलेखुमा भिरबाट खसेर एकजनाको निधन

६ असोज,धादिङ – धादिङको मलेखुमा भिरबाट खसेर एकजनाको निधन भएको छ ।

आज बुधबार साँझ धादिङको गजुरी गाँउपालिका वडा नं. २ मलेखु बजार नजिकै घर जानेृक्रममा भिरबाट लडेर स्थानिय राम बहादुर गुरुङको मृत्यु भएको हो ।
ईलाका प्रहरी कार्यालय गजुरीका डिएसपी युवराज खड्काले पनी गुरुङको मृत्यु भएको पुष्टि गरेका छन् । डिएसपी खड्काका अनुसार बेनिघाट रोराङ गाँउपालिका वडा नं. २ महादेवस्थान घर भएका अन्दाजी ५५ बर्षिय गुरुङको भिरबाट लडेर मृत्यु भएको हो । अहिले प्रहरी टोली घटनास्थलमा जाँदै गरेको खड्काले बताए ।

मृतक गुरुङ साविक महादेवस्थान ३ बाट नेकपा एमालेवाट निर्वाचित् पुर्व वडाध्यक्ष समेत हुन् । त्यस्तै पछिल्लो समय उनी नेकपा एकिकृत समाजवादीमा सक्रिय रहँदै आएका थिए ।