हनि ट्रयापमा पारेर पैसा असुल्ने ३ महिला पक्राउ : ५० लाख बार्गेनिङ गर्दा यसरी खुल्यो पोल

३ असोज,दाङ – हनि ट्रयापमा पारेर पैसा असुल्ने ३ जना महिला पक्राउ परेका छन ।

पक्राउ पर्नेमा घोराही उपमहानगरपालीका १५ निवासी ३२ वर्षिय सितादेवी थापा, सोही ठाउँ निवासी ३५ वर्षिय खुमा वली र घोराही ५ निवासी ३२ वर्षिय सुस्मा परियार रहेका छन् । बियर र चिया खाएकै भरमा ५० लाखबाट बार्गेनिङ सुरु गरेर १८ लाखमा बार्गेनिङ टुंग्याइ हनि ट्रयापमा पारेर पैसा असुल्ने ३ जना महिलालाई दाङ प्रहरीले पक्राउ गरी सार्वजनिक गरेको जिल्ला प्रहरी कार्यालय दाङले जनाएकाे छ ।

पक्राउ परेका मध्य सितादेवी थापा बस्दै आएको डेराकोठाबाट असार ७ गतेका दिन पिडितलाई प्रहरीमा उजुरी दिन धम्की दिई पिडितबाट १७ लाखको सिभिल बैंकको चेक एक थान र नगद १ लाख मध्य उक्त बैंक सितादेवी थापाको डेरा कोठाबाट बरामद भएको र नगद १ लाख थापाले व्याजमा लगाई सकेको भनी प्रारम्भीक अनुसन्धानबाट खुलेको प्रहरीले बताएको छ ।